“أفضل محامي في السعودية”
ثم بدلًا من أن يفتح Google ويقارن بين +10 مواقع…
يسأل ChatGPT أو Gemini أو Perplexity؟
هنا أنت لم تعد تنافس فقط على:
Position #1
أنت تحاول أصلًا أن تجعل موقعك وشركتك من المصادر التي تستطيع أنظمة الـAI فهمها والوصول إلى معلوماتها واستخدامها في الإجابة.
طيب إيه اللي اتغير فعلًا؟
في الـSEO التقليدي، الموضوع كان واضح إلى حد كبير:
شخص يبحث عن Keyword
Google يعرض النتائج
أنت تحاول توصل لأعلى Position
والمستخدم يدخل موقعك.
يعني ببساطة:
Keyword → Page → Ranking → Click
لكن في AI Search الموضوع مختلف شوية.
المستخدم ممكن يسأل سؤال كامل، والنظام يحاول يفهم السؤال، يجمع المعلومات، وبعدها يطلع له إجابة مباشرة.
وبالتالي الرحلة ممكن تكون أقرب إلى:
Question → Understanding → Retrieval → Answer
وهنا السؤال المهم:
هل موقعك أصلًا سهل على النظام إنه يفهمه ويعرف أنت مين وبتقدم إيه؟
وهنا تبدأ مشكلة الـEntity
خليني أديك مثال بسيط.
عندك شركة تسويق رقمي في السعودية.
هل كفاية إنك تكتب “شركة تسويق رقمي في السعودية” في الموقع 50 مرة؟
طبعًا لأ.
المفروض يكون واضح:
- مين الشركة؟
- إيه الخدمات اللي بتقدمها؟
- بتشتغل فين؟
- مين الفريق؟
- إيه خبرتها؟
- اشتغلت مع مين؟
- إيه المشاريع والنتائج اللي حققتها؟
- إيه الإشارات الخارجية الموجودة عنها؟
يعني بدل ما يكون عندك مجرد Keyword موجودة في الصفحة، يكون عندك
Entity واضح له سياق كامل.
ودي واحدة من الحاجات اللي أنا شايف إنها هتفرق بشكل أكبر مع تطور AI Search.
طب هل معنى كده إننا نعمل محتوى مخصوص للـAI؟
هنا كمان في نقطة بشوف فيها لخبطة كتير.
بعض الناس بدأت تتعامل مع GEO كأنه:
“نعمل محتوى للـGoogle، ومحتوى تاني للـChatGPT.”
أنا مش شايف إن دي الطريقة الصح.
أنت في الأساس محتاج موقع مفهوم ومنظم.
لما يكون واضح:
- مين أنت؟
- إيه اللي بتقدمه؟
- لمين بتقدمه؟
- فين بتقدمه؟
- إيه خبرتك؟
- إيه النتائج اللي حققتها؟
- وإيه الأدلة الموجودة على الكلام ده؟
فأنت أصلًا بتبني أساس قوي للـSEO والـAI Search مع بعض.
والحكاية مش Keywords بس
دي من أكتر الحاجات اللي بشوفها في مشاريع الـSEO.
نجيب Keyword ونقول:
“عايزين نعمل مقال عليها.”
لكن العميل نفسه ممكن ما يستخدمش الـKeyword دي أصلًا.
مثلًا عندك شركة صيانة أجهزة.
العميل ممكن ما يبحثش عن:
“صيانة غسالات”
ممكن يبحث:
- “الغسالة بتسرب مياه من تحت”
- “الغسالة مش بتعصر”
- “الغسالة مش بتسحب مياه”
- “كام تكلفة إصلاح الغسالة؟”
دي الأسئلة اللي أنا بسميها:
Real Intent
وهنا أنت مش بتشتغل على Keyword بس.
أنت بتحاول تفهم:
العميل عنده مشكلة إيه؟ وبيحاول يوصل لإيه؟
وبعدها تبني المحتوى والخدمات حول الاحتياج ده.
وده بالضبط المكان اللي بيتقابل فيه SEO مع GEO
أنا مش شايف إن السؤال الصح هو:
“إزاي أخلي ChatGPT يرشح موقعي؟”
السؤال الأهم:
“هل المعلومات عني وعن شركتي واضحة وكاملة وموجودة في أماكن وأنظمة البحث تقدر توصل لها وتفهمها؟”
لأن لو أنت أصلًا مش واضح:
- مين أنت
- إيه تخصصك
- بتخدم مين
- بتشتغل فين
- إيه خبرتك
- إيه نتائجك
فمش منطقي تتوقع إن نظام AI هيكون عنده صورة واضحة عنك.
طيب هل SEO انتهى؟
لأ.
بالعكس.
الـTechnical SEO والـContent والـInternal Linking والـCrawling والـIndexation والـAuthority لسه أساس مهم جدًا.
لكن طريقة استخدام الناس للبحث بتتغير، وبالتالي لازم طريقة تفكيرنا في الـSEO تتطور هي كمان.
بدل ما يكون تفكيرنا كله:
“إزاي أوصل Position #1؟”
لازم نسأل كمان:
“إزاي أخلي محركات البحث وأنظمة الـAI تفهم أنا مين، بقدم إيه، لمين، وفين، وإيه الأدلة على ده؟”